Асан ата кесенесі
| Жалпы мәлімет | |
|---|---|
| Статусы |
Мемлекет қорғауында |
| Орналасуы |
Қазақстан Республикасы, Қызылорда облысы, Шиелі ауданы |
| Биіктігі |
7,6 м |
| Техникалық сипаттамасы | |
| Басқа да өлшемдері |
11,15x7,3 м (сыртқы ауданы) |
Асан ата кесенесі, Шиелі ауданы «Бәйгеқұм» кеңшарынан 5 км жерде «Жеті әулие» қорымында орналасқан. Жергілікті халық оны Асан Қайғы есімімен байланыстырады. «Жеті әулие» қорымында Оқшы ата, Абыз ата, Қыш ата, Қайып ата кесенелерімен қатар орналасқан.
Аспан ата кесенесінен «Іңкәрдария» ұжымшарының жанындағы Сырлытам ескерткішімен салыстыруға болады. Бұл порталды-күмбезді құрылыс, қызыл кірпіштен, шаршы үлгіде (9,5х 10,5) салынған. Аспан ата кесенесінің де алдынғы бетінде кіреберіс аркалы порталы болғаны аңғарылады. Қазір оның тек екі жақ іргелік қалдықтары ғана сақталған. Кесене күйдірілген тақта кірпіштен қаланған. Шаршы үлгіде, аумағы 11,5х 7,30, биіктуған 7,60 м. Іргеліктен 3 м жоғары кірпіштерді тігінен өріп, белдеу жасаған.
Асан Қайғының баласы Абатқа арналып салынған «Абат байтақ» (Ақтөбе облысы Қобда ауданы) пен Сыр бойындағы Алпамыс батырдың жары Гүлбаршынға арналған дейтін Көккесене ескерткішіне (аңыздың тағы бір нұсқасы бойынша Сырлытам да Гүлбаршынға арналған) өте ұқсас. Негізі бұлар екі түрлі сәулет үлгісімен бір заманда дүниеге келген болуы да мүмкін. Аспан ата кесенесі 1982 жылы мемлекеттік қорғауға алынған.[1][2]
Дереккөздер[өңдеу | қайнарын өңдеу]
- ↑ “Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9
- ↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
| ||||||||||||||||||||||||||||||||||
