М16 (автоматты винтовка)

M16 (Rifle, Caliber 5.56 mm, M16) - AR-15 винтовкасының базасында жасалып шығарылған америкалық винтовка. 1960 жылдары АҚШ әскери қаруы қатарына енді. М16 мен оның нұсқалары осы кезге дейін америкалық жаяу әскердің негізгі қаруы болып қалып отыр. Бұл - әлемдегі атқыш қарудың барынша кең тараған түрі. Сегіз милионнан астам данасы шығарылған.

Шығу тарихы[өңдеу | қайнарын өңдеу]

Шағын калибрлі винтовка шығару идеясы АЛКЛАД жобасы нәтижесінде туындады. Қаруды шығару үшін бірінші дүниежүзілік соғыстан Корея соғысына дейінгі аралықта опат болған үш милионнан астам солдаттар туралы құжат деректері есепке алынды.Жаралылар саны мен сипаты, дененің зақымдалған бөліктері, жарақат түрі мен олардың қандай қарудан алынғаны анықталды. Аталған зерттеудің нәтижесінде АҚШ армиясы үшін тебу күші төмен, салмағы жеңіл, шағын калибрлі жеңілдетілген арнайы оқ-дәрі салынатын, 400-500 метр қашықтықты қамтитын, ату жылдамдығы жоғары қару жасау керек деген тұжырым жасалды. осылайша Армалит компаниясы ұсынған АR-15 винтовкасы аталған талаптарға лайық деп танылды. Оны құрастырушылар Юджин Стоунер мен Джеймс Салливан болды.^[1]