Қазақстан Республикасы Қаржы министрлігінің Мемлекеттік кірістер комитеті
| Қазақстан Республикасы Қаржы министрлігінің Мемлекеттік кірістер комитеті (ҚР ҚМ МКК) | |
|---|---|
| |
| Жалпы мағлұмат | |
| Құрылған уақыты | 14 тамыз 2014 жыл |
| Оның алдындағы мекеме | Салық комитеті |
| Жоғарыда тұрған мекеме | Қазақстан Республикасы Қаржы министрлігі |
| Штаб-пәтері | 010000, Астана қаласы, Жеңіс даңғылы, 11 үй |
| Төрағасы | Дүйсембиев Жандос Жұмабайұлы |
| Ресми сайты | |
| https://www.gov.kz/memleket/entities/kgd?lang=kk | |
Қазақстан Республикасы Қаржы министрлігінің Мемлекеттік кірістер комитеті — салықтық және кедендік әкімшілендіру; этил спиртінің, алкоголь өнімінің және темекі өнімдерінің өндірісі мен айналымын мемлекеттік реттеу; мұнай өнімдерінің және биоотынның айналымы; ҚР кеден ісі, салық саясатын іске асыру саласындағы мемлекеттік реттеу; оңалту және банкроттық саласындағы мемлекеттік реттеу (қазыналық кәсіпорындарды, мекемелерді, банктерді, сақтандыру (қайта сақтандыру) ұйымдарын және жинақтаушы зейнетақы қорларын қоспағанда), сондай-ақ Қазақстан Республикасы азаматтарының төлем қабілеттілігін қалпына келтіру және банкроттығы жөніндегі мемлекеттік басқару салаларында реттеуші, іске асыру және бақылау функцияларын жүзеге асыратын Қазақстан Республикасы Қаржы министрлігінің ведомствосы.
Міндеттері[өңдеу | қайнарын өңдеу]
- Қазақстан Республикасының салық, кеден және өзге де заңнамасының орындалуын, мемлекеттік кірістер органдарына жүктелген Еуразиялық экономикалық одағының кеден заңнамасының сақталуына бақылауды қамтамасыз ету
- салық және бюджетке төленетін басқа да міндетті төлемдердің, сондай-ақ арнайы, демпингке қарсы және өтемдік баждардың толық және уақтылы түсуін қамтамасыз ету
- Қазақстан Республикасының заңнамасына сәйкес әлеуметтік төлемдерді есептеудің, ұстап қалудың және аударымдардың толықтығы мен уақтылығын қамтамасыз ету
- Қазақстан Республикасының салық саясатын іске асыруға қатысу
- өз құзыреті шегінде Қазақстан Республикасының егемендігін қорғауды және экономикалық қауіпсіздігін қамтамасыз ету
- ақпараттық-коммуникациялық инфрақұрылымның дамуын қалыптастыру және салық төлеушілер үшін электрондық қызметтердің қолжетімділігін қамтамасыз ету
- Қазақстан Республикасының ұлттық қауіпсіздігін, адамның өмірі мен денсаулығын, жануарлар мен өсімдіктер дүниесін, қоршаған ортаны қорғау
- тауарлардың ЕАЭО кедендік шекарасы арқылы өткізілуін жеделдету мен оңайлату үшін жағдайлар жасау
- этил спиртінің, алкоголь өнімінің, темекі өнімдерінің өндірісі мен айналымын, сондай-ақ мұнай өнімдерінің және биоотынның айналымын мемлекеттік реттеу
- оңалту және банкроттық саласындағы мемлекеттік реттеу (қазыналық кәсіпорындарды, мекемелерді, банктерді, сақтандыру (қайта сақтандыру) ұйымдарын және жинақтаушы зейнетақы қорларын қоспағанда), сондай-ақ Қазақстан Республикасы азаматтарының төлем қабілеттілігін қалпына келтіру және банкроттығы жөніндегі мемлекеттік басқару
- Комитеттің құзыретіне жататын мәселелер бойынша халықаралық ынтымақтастық
- "Еуразиялық экономикалық одақтың кедендік аумағына әкелінген тауарларды қадағалап отыру тетігі туралы келісімді ратификациялау туралы" Қазақстан Республикасының Заңымен ратификацияланған Еуразиялық экономикалық одақтың кедендік аумағына әкелінген тауарларды қадағалап отыру тетігі туралы келісімге сәйкес қадағалап отыру тетігін іске асыруды үйлестіру[1]
Тарихы[өңдеу | қайнарын өңдеу]
Қазақстан Республикасы Мемлекеттік кіріс министрлігі: Қазақстан Республикасының Мемлекеттік кіріс министрлігі (1998-2002) ҚР Президентінің 1998 ж. 12 қазандағы Жарлығымен[2] қүрылды. Министрлікке ҚР Қаржы министрлігі Салық комитетінің, Кеден комитетінің, Салық полициясы комитетінің, сондай-ақ ҚР Энергетика, иидустрия және сауда министрлігі Алкоголъді өнімдерді өндіруге және олардың айналымына мемлекеттік бақылау жасау жөніндегі комитетінің функциялары, мүлкі мен істерін басқару жөніндегі өкілеттіктері берілді. ҚР Қаржы министрлігінің қарауынан ҚР Мемлекеттік кіріс министрлігінің қарауына "Кәсіпорындарды қайта үйымдастыру және тарату жөніндегі агенттігі" АҚ берілді[3]. ҚР Президентінің 2001 ж. 22 қаңтардағы қаулысымен[4] ҚР Мемлекеттік кіріс министрлігінің Салық полициясы комитеті таратылды. Функциялары, мүлкі мен істері ҚР Қаржы полициясы агенттігіне берілді. ҚР Үкіметінің 2001 ж. 27 ақпандағы қаулысымен[5] Салық полициясы комитеті министрлік ведомстволарының қатарынан шығарылды. ҚР Үкіметінің 2001 ж. 23 қарашадағы қаулысымен[6] министрліктің Дәрменсіз борышкерлермен жүмыс жөніндегі комитеті қүрылды. ҚР Президентінің 2002 ж. 28 тамыздағы Жарлығымен[7] министрлік оны ҚР Қаржы министрлігіне қосу, мемлекеттік кірістерді жоспарлау саласындағы функциялары мен өкілеттіктерін ҚР Экономика және бюджеттік жоспарлау министрлігіне, кеден ісін — ҚР Кедендік бақылау агенттігіне беру жолымен қайта үйымдастырылды. [8] 2014 жылы ҚР Қаржы министрлігінің Салық комитеті мен Кедендік бақылау комитеті біріктіріліп, Мемлекеттік кірістер комитеті болып құрылды.
Құрылымы[өңдеу | қайнарын өңдеу]
Қазақстан Республикасы Қаржы министрлігінің Мемлекеттік кірістер комитеті орталық аппаратының құрылымы келесіден тұрады:
Төраға
Төраға орынбасары
1) Мемлекеттік құпияларды қорғау басқармасы
2) Заң басқармасы
3) Халықаралық ынтымақтастық басқармасы
4) Ақпараттық қауіпсіздік басқармасы
1 Кадр және ішкі әкімшілендіру департаменті
5) Персоналмен жұмыс басқармасы
6) Ұйымдастыру-бақылау басқармасы
7) Қаржылық қамтамасыз ету басқармасы
8) Басқарма – төраға хатшылығы
9) Техникалық инфрақұрылым басқармасы
2. Талдау, статистика және тәуекелдерді басқару департаменті
10) Тәуекел-менеджмент басқармасы
11) Талдау және статистика басқармасы
12) Бизнес процестерін автоматтандыру басқармасы
13) Стратегиялық даму басқармасы
3. Мемлекеттік көрсетілетін қызмет департаменті
14) Жалпыға бірдей декларациялау басқармасы
15) Мемлекеттік көрсетілетін қызмет басқармасы
16) «Байланыс орталығы» басқармасы
17) Дербес шоттарды әкімшілендіру және төлемдерді есепке алу басқармасы
18) Акциздерді әкімшілендіру басқармасы
4. Ақпараттық технологиялар департаменті
19) Ақпараттық жүйелерді сүйемелдеу басқармасы
20) Ақпараттық жүйелерді дамыту басқармасы
21) Цифрландыруды үйлестіру басқармасы
5. Өндірістік емес төлемдерді, жеке тұлғаларды және арнаулы салық режимдерін әкімшілендіру департаменті
22) Өндірістік емес төлемдерді әкімшілендіру басқармасы
23) Арнаулы салық режимдерін әкімшілендіру және жеке тұлғалардың кәсіпкерлік қызметі басқармасы
24) Саудалық емес айналым басқармасы
25) Жеке тұлғалардың активтері мен берешегін әкімшілендіру басқармасы
26) Жеке тұлғалардың кірістерін әкімшілендіру басқармасы
6. Әдіснама департаменті
27) Заңды тұлғалардың салық салу әдіснама басқармасы
28) Жеке тұлғалардың салық салу әдіснама басқармасы
29) Кедендік әдіснама басқармасы
30) Тауарларды жіктеу және шығарылған жері басқармасы
31) Кедендік операциялар басқармасы
32) Алдын ала тексеру актілерін қарау басқармасы
7. Әкімшілендіру департаменті
33) ҚҚС әкімшілендіру басқармасы
34) Қашықтықтан мониторингтеу басқармасы
35) Өтпелі мониторинг басқармасы
8. Аудит департаменті
36) Тауарлар шығарылғаннан кейінгі кедендік бақылау басқармасы
37) Салықтық аудит басқармасы
38) Экспорттық бақылау басқармасы
9. Бақылау департаменті
39) Транзит басқармасы
40) Кедендік рәсімдерді әкімшілендіру және тазарту басқармасы
41) Тарифтік реттеу және құн басқармасы
10. Ірі салық төлеушілер департаменті
42) Ірі салық төлеушілер басқармасы
43) Резидент еместерге салық салу басқармасы
44) Деңгейлес мониторингтеу басқармасы
45) Энергия ресурстарын әкімшілендіру басқармасы
46) Мамандандырылған басқарма
47) «Ахуалдық орталығы» басқармасы
48) Берешекпен және дәрменсіз борышкерлермен жұмыс басқармасы
Мемлекеттік кірістер комитетінің штатында 600-ге жуық қызметкер болса, оның 130-ы басқарушы лауазым болып табылады. Осылайша, әрбір бесінші қызметкер басшы болып табылады.
Қарамағындағы мекемелер[өңдеу | қайнарын өңдеу]
- Облыстар және Алматы, Астана, Шымкент қалалары бойынша Мемлекеттік кірістер департаменттері
- Аудандар мен қалалар бойынша Мемлекеттік кірістер басқармалары
- Бас диспетчерлiк басқармасы
- Орталық кедендік зертханасы
- Оқу-әдістемелік орталығы
- «Nur Zholy Customs Service» ЖШС
Басшылық[өңдеу | қайнарын өңдеу]
Дүйсембиев Жандос Жұмабайұлы - төраға
Сулейменов Ануар Айдарович - төрағаның орынбасары
Слямов Бақытжан Оразғалиұлы - төрағаның орынбасары
Нұржанов Жәнібек Мәулітбекұлы - төрағаның орынбасары
Жұмағұлов Қайрат Кәрімұлы - төрағаның орынбасары
Сейілжан Әділханұлы Ахметов - төрағаның орынбасары
Мемлекеттік кірістер комитетінің төрағалары[өңдеу | қайнарын өңдеу]
| № | А.Ә.Т. | Тағайындалған уақыты |
Кеткен уақыты |
|---|---|---|---|
| 1 | Дәулет Еділұлы Ерғожин | шілде 2014 | қараша 2016 |
| 2 | Ардақ Мырзабайұлы Теңгебаев | желтоқсан 2016 | қазан 2018 |
| 3 | Марат Елеусізұлы Сұлтанғазиев | қазан 2018 | мамыр 2021 |
| 4 | Әли Сапарғалиұлы Алтынбаев | мамыр 2021 | тамыз 2022 |
| 5 | Жаналинов Данияр Еренғалиұлы | тамыз 2022 | қыркүйек 2023 |
| 6 | Жандос Жұмабайұлы Дүйсембиев | қыркүйек 2023 | — |
Дереккөздер[өңдеу | қайнарын өңдеу]
- ↑ Қазақстан Республикасы Қаржы министрлігінің Мемлекеттік кірістер комитеті туралы ережені бекіту туралы
- ↑ 1 "Қазақстан Республикасы мемлекеттік органдарының жүйесін одан әрі реформалау туралы" ҚР Президентінің 1998 ж. 12 қазандағы № 4114 Жарлығы (ҚР ПҮАЖ, 1998, № 35, 315-бап).
- ↑ 2 Сонда. 1998-2000 жж. кезеңдегі мемлекеттік органдар туралы мәліметтер: қараңыз- Қазақстан Республикасының мемлекеттік билік органдары (1991 ж. 16 желтоқсан - 2001 ж. 1 қаңтар). Анықтамалық. ҚР ПМ. - Алматы: БҮ "Эдельвейс", 2004. 483-485 б. (Қүрасты- рушылардың ескертпелері).
- ↑ 3 "Қазақстан Республикасында қүқық қорғау қызметін жетілдіру жөніндегі шаралар туралы" ҚР Президентінің 2001 ж. 22 қаңтардағы № 536 Жарлығы (ҚР ПҮАЖ, 2001, № 1-2, 2-бап).
- ↑ 4 "Қазақстан Республикасы Қаржы полициясы агенттігінің мәселелері" ҚР Үкіметінің 2001 ж. 27 ақпандағы № 283 қаулысы (ҚР ПҮАЖ, 2001, № 8, 83-бап).
- ↑ 5 "Қазақстан Республикасының Мемлекеттік кіріс министрлігі Дәрменсіз борышкер- лермен жүмыс жөніндегі комитетінің мәселелері" ҚР Үкіметінің 2001 ж. 23 қарашадағы № 1508 қаулысы (Ағымдағы мүрағат)
- ↑ 6 "Қазақстан Республикасының мемлекеттік басқару жүйесін одан әрі жетілдіру шара- лары туралы" ҚР Президентінің 2002 ж. 28 тамыздағы № 931 Жарлығы (ҚР ПҮАЖ, 2002, № 28, 307-бап).
- ↑ Қазақстан Республикасының мемлекеттік билік органдары (2001-2005 жж.) Анықтамаламық: Екінші шығарылым./Қазақстан Республикасы Президентінің Мұрағаты. – Жауапты редактор: В.Н. Шепель; Алматы: “Эдельвейс” Баспа үйі: 2007. ISBN 9965-602-37-9
