Тастөбе (Жамбыл ауданы)

Тастөбе - ортағасырлық қала орны. Жамбыл облысында Жамбыл ауданында Көлқайнар ауылдық округіне қарасты Тастөбе ауылынан солтүстікке қарай 300 м жерде. Қалашықты 1898 ж. В.А. Каллаур, 1936 ж. Жетісу археологиялық экспедициясы (жетек. А.Н. Бернштам), 1978 ж. Жамбыл облысының тарихи өлкетану мұражайының экспедициясы зерттеген. Ескерткіш үш бөліктен тұрады. Алғашқысы – дөңгелек төбе, биіктігі 18 м, диам. 100 м-ге жуық; екіншісі – осы төбені барлық жағынан қоршаған, өлшемдері солтүстіктен оңтүстікке қарай – 130 м, шығыстан батысқа қарай – 170 м террасадан тұрады; орт. бөлігі ормен бөлінген. Негізгі төбеден оңт.-батысқа қарай 30 м жерде өлшемдері 80 - 50 м, биікт. 2,5 м, шығыстан-батысқа қарай созылыңқы бекіністің қалдығы сақталған; үшіншісі – негізгі төбеден солт-ке қарай 50 м жерде орналасқан. Оның табанының аумағы 90 - 70 м. Қалашықтың үстінен қыш ыдыстардың, күйдірілген кірпіштің сынықтары кездеседі. Археологиялық қазба барысында табылған заттарға қарағанда қалашықты тұрғындар 6 – 12 ғ-ларда мекен еткен. Олар мал өсіріп, егіншілікпен айналысқан.

1. Тастөбе қаласы - VII-X ғасырлардағы қала орны. Көлқайнар ауылдық округіне қарасты Тастөбе ауылының солтүстік аумағынада 400 м жерде биік төбе орналасқан, айналасында қыш құмыра, күйген кірпіш сынықтары көптеп кездеседі.