Қыстық

Уикипедия — ашық энциклопедиясынан алынған мәлімет
Jump to navigation Jump to search

ҚыстықҰлы жүз Албан тайпасының Сүйменді тармағынан тараған рулар бірлестігі. Қыстықтың шын аты - Жиенқұл. Шежіре бойынша Қыстық:

  1. Аққыстық (Ақназар)
  2. Қарақыстық (Тоқмамыс) болып екі тармаққа бөлінеді.
  • Аққыстықтан - Құлақай, Тілеміс;
  • Қарақыстықтың бәйбішесінен - Әлі, Байтоқ, тоқалынан -Елтоқты, Бөже.

Бұл екі тармақтан ру болып қалыптасқандары Аққыстықтан: Құлақай, Шойқара, Жайын, Онтоғар, Майасар; Қарақыстықтан: Қарақұс, Амангелді, Момын, Бектемір, Сақау, Есене, Мәліке рулары тараған. Қыстық бірлестігі Алатау округының 1865 ж. тізімінде Айтпен қоса есептегенде 1070 түтін (үй) болған. Бұлар Қазан революциясына дейін бүгінгі Алматы облысы, Шелек, Кеген, Нарынқол, Үйғыр аудандарын, Қырғызстанның Ыстыкөл айналасын мекен еткен. Жайлауы: Қарқаралы, Асы, Сартау. Қыстауы: Сөгеті, Сарыбұлақ, Торыайғыр.

Қыстық рулары ертеден егін егіп, жеміс-жидек, бау-бақша өсірген. Ұраны - Райымбек, Малайсары, Таңбасы - Ο (дөңгелек)[1].

Дереккөздер[өңдеу]

  1. Қазақ Совет Энциклопедиясы, бас редакторы М.Қ.Қаратаев, Алматы, 1972 ж. 1-том