Шақшақ

Уикипедия — ашық энциклопедиясынан алынған мәлімет
Jump to navigation Jump to search

Шақшақ — қазақ халқының құрамындағы ру. Шежіре деректері бойынша Орта жүздегі арғын тайпасының момынынан тарайды. Шақшақтан бақай, көшей, жүзей, ақназар, есназар, томай аталары өрбітіледі. Кейбір шежірелерде Шақшақ руы бес атадан тұрады делінген. 19 ғасырдағы орыс дерек көздеріне қарағанда Шақшақтың басым көпшілігі Торғайдың төменгі ағысы және Ілкейек өзендері алқаптарын қыстап, жазда Тобыл өзені мен оның тармағы Алабұға және Әйет өзендері атыраптарында көшіп-қонып жүрген. Демографиялық деректер оларды алты мың отбасы деп көрсетеді. Ал мыңнан астам тағы бір бөлігі Павлодар, Қостанай уездерін қоныстанған. Шақшақ руының өкілдері жоңғарларға қарсы соғыста аты шыққан. Ел арасында Жәнібек, тағы басқа батырлар туралы әңгімелер көп кездеседі. Қазан төңкерісіне дейін негізінен мал өсіріп, егін еккен. Ұраны — Ақжол.[1]

Тұлғалар[өңдеу | қайнарын өңдеу]

Аманжол, Шақшақ, Қарабас, Қошқар, Дүзей, Тұрлығұл, Жәнібек, Дәуітбай, Жауғашар, Мұса, Шеген, Қазыбек, Бірімжан, Дәуренбек, Қорғанбек, Оспан хан, Қасымхан Алтынсары, Ахмет Байтұрсынов, Ахмет Бірімжанов, Ғазымбек Бірімжанов, Әлмұхаммед Оспанұлы, Ілияс Бәйменов, Нұрхан Ахметбеков, Батырбек Бірімжанов, Қайнекей Жармағанбетов, Молдахмет Кенбаев, Әбдірашит Бектемісов, Сырбай Мәуленов, Сұлтан Баймағанбетов, ағайынды Мақсұт пен Махмут Омаровтар, Махмұт Спанұлы, Кенжеғали Сағадиев, Қойшан Сейітқасымов, Ансаған Қонқабаев, Асқар Байжұманов, Бекет Махмутов, Сабыржан Шүкіров, Ерболат Төлегенов, Ғалым Байназаров, Кеңшілік Мырзабеков, Серікбай Оспанов, Серік Тұрғынбеков[2]

Сілтемелер[өңдеу | қайнарын өңдеу]

Дереккөздер[өңдеу | қайнарын өңдеу]

  1. Қазақ Энциклопедиясы, 9 том 18 бөлім
  2. ganibet АЗУЛЫ БИ, АЙТУЛЫ ОЙ БАТЫРЫ немесе Арғынның аруақты биі атанған Шеген Мұсаұлы туралы ой толғау (kk-KK). Тексерілді, 10 ақпан 2021.