Жаңа Зеландия — Қазақстан қатынастары
Жаңа Зеландия — Қазақстан қатынастары — Қазақстан Республикасы мен Жаңа Зеландия арасындағы байланыстар.
Дипломатия[өңдеу | қайнарын өңдеу]
Дипломатиялық қатынастар 1992 жылы 12 мамырда орнатылды.
2022 жылғы 15 маусымнан бастап Жаңа Зеландияның Мәскеудегі резиденциясымен ҚР Елшісі Сара Уолш болып табылады.
2014 жылдың 1 шілдесінде генерал-губернатор Дж.Матепарае Алматыдағы резиденциясымен ҚР-дағы Жаңа Зеландияның Құрметті консулы болып Нұрлан Смағұлов тағайындалды.
2020 жылғы 17 желтоқсанда Жаңа Зеландияның Генерал-губернаторы П.Редди Брайан Эшли Джонсонның атына Жаңа Зеландиядағы ҚР Құрметті консулы лауазымында өкілеттігін жүзеге асыру үшін консулдық экзекватураны мақұлдады.
2021 жылғы 23 ақпанда Оклендте резиденциясымен Жаңа Зеландиядағы ҚР Құрметті консулдығын ұлықтау рәсімі өтті.
Саяси ынтымақтастық[өңдеу | қайнарын өңдеу]
1994 жылғы мамыр айында Жаңа Зеландия Премьер-Министрінің арнайы өкілі Х.Тэмплтонның Алматыға сапары болып, оның барысында ҚР Президенті Н.Назарбаевпен кездесуі өтті.
2006 жылы ҚР Мемлекеттік қызмет істері агенттігінің төрағасы З.Тұрысбековтың басшылығымен мемлекеттік басқару жүйесін дамыту және сыбайлас жемқорлыққа қарсы күрес тәжірибесін зерделеу үшін ҚР делегациясы Жаңа Зеландияға сапармен барды.
2014 жылғы 10 ақпанда Астанада ҚР Сыртқы істер министрінің орынбасары С. Ордабаевтың Жаңа Зеландияның ЕО, НАТО және Швеция елшісі В. Виталиспен кездесуі өтті.
2014 жылғы 2-5 мамырда Астанада өткен Азия Даму Банкінің Басқарушылар кеңесінің отырысына Мемлекеттік кірістер министрі Т. Макклей және сыртқы істер және сауда министрлігінің өкілі К. Вандерсип кірген Жаңа Зеландия делегациясы қатысты.
2015 жылғы 23 сәуірде ҚР Президентінің Арнайы өкілі – ҚР Парламенті Сенатының депутаты С.Громовтың веллингтонға сапары ұйымдастырылды. Арнайы өкіл ҒЗ Сыртқы істер министрінің орынбасары Г.Ванн Бохеманмен және ҒЗ СІМ Еуропа департаментінің директоры Я. Хиллмен кездесулер өткізді.
2016 жылғы 22 қыркүйекте БҰҰ БА 71-ші сессиясына қатысу үшін Нью-Йоркке сапары шеңберінде ҚР Сыртқы істер министрі Е.Ыдырысов ҰЗ Сыртқы істер министрі М. Маккалимен екіжақты кездесу өткізді.
2018 жылғы 21-26 қазанда ҚР Сингапурдағы және Жаңа Зеландиядағы елшісі Үсен Сүлеймен Веллингтон және Окленд қалаларына жұмыс сапарымен барды.
2019 жылғы 29 наурызда ҚР Сингапурдағы Елшілігінің кеңесшісі Е.Кубашев Жаңа Зеландияның Кристчерч қаласында өткен террористік акт құрбандарының ұлттық еске алу рәсіміне қатысты.
2020 жылғы 16 қарашада ҚР Жаңа Зеландиядағы Құрметті консулы Б. Джонсон ақынның "Қара сөздері" атты ағылшын тіліндегі онлайн-форматтағы үзіндісін оқып, қазақтың ұлы ақыны Абайға арналған челленджге қатысты. Бейнематериал Елшіліктің Фэйсбуктегі парақшасында жарияланған.
2021 жылғы 1 сәуірде Жаңа Зеландияның Қазақстандағы Елшісі Сиалея Аллегра ван турдың Мәскеудегі резиденциясымен Сыртқы істер министрінің орынбасары М.Сыздықовқа РФ-дағы ҚР Елшілігінің ғимаратында сенім грамоталарының көшірмелері табыс етілді.
2021 жылғы 18 тамызда ЖЗ СІСМ-не Елші А.Арыстановтың жоғары лауазымдағы өкілеттігінің аяқталуына байланысты ЖЗ Генерал-губернаторы П. Рэддиге жолдаған қоштасу хаты жіберілді.
2021 жылғы 16 желтоқсанда ЖЗ СІМ Протоколының бастығы Род Харрис НЗ-да Тәуелсіздіктің 30 жылдық мерейтойын мерекелеуге онлайн форматта қатысты. Сондай-ақ, Окленд қаласының мэрі Фил Гофф құттықтау хат жазды.
2022 жылғы 15 маусымда ҚР Президенті Қасым-Жомарт Тоқаев Жаңа Зеландияның Қазақстандағы Елшісі қызметін қоса атқарушы Сара Уолштан сенім грамотасын қабылдады.
Визалық режим[өңдеу | қайнарын өңдеу]
Виза берудің жаңа ережелерінің бекітілуіне байланысты 2017 жылдың 1 қаңтарынан бастап Жаңа Зеландия азаматтары Қазақстанға келу үшін 30 күнтізбелік күнге дейінгі визалық талаптардан босатылды.
Сауда-экономикалық ынтымақтастық[өңдеу | қайнарын өңдеу]
Қазақстан Республикасының Стратегиялық жоспарлау және реформалар жөніндегі агенттігінің Ұлттық статистика бюросының деректері бойынша Қазақстан мен Жаңа Зеландия арасындағы тауар айналымы 2021 жылы 6 млн. АҚШ долл. Импорт көлемі - 4,7 млн. АҚШ долл. Қазақстаннан Жаңа Зеландияға экспорт 1,2 млн. АҚШ долл. құрды.
2005 жылдан бастап 2022 жыл аралығында ҚР-ға тікелей шетелдік инвестициялар ағыны 400 мың АҚШ долларын құрады.
2023 жылғы ақпандағы деректер бойынша, ҚР-да Жаңа Зеландияның қатысуымен 5 бірлескен кәсіпорын жұмыс істейді.[1]
Дереккөздер[өңдеу | қайнарын өңдеу]
- ↑ ҚР СІМ Қазақстан мен Жаңа Зеландия қарым-қатынастары (қаз.). Тексерілді, 16 қыркүйек 2023.
