Қазақстан — Палестина қатынастары
Қазақстан — Палестина қатынастары — Қазақстан Республикасы мен Палестина Мемлекеті арасындағы қатынастар.
Дипломатия[өңдеу | қайнарын өңдеу]
Қазақстан Республикасы мен Палестина Мемлекеті арасында дипломатиялық қатынастар 1992-ші жылғы 6-шы сәуірде орнатылды.
Палестинаның Қазақстандағы Елшілігі 1993-ші жылдың маусымынан бері жұмыс атқарады. 2015-ші жылдың қазан айынан бастап Палестинаның Қазақстандағы Елшісі Монтасер Абу Зейд.
2020-шы жылғы 22-ші ақпаннан бастап Қазақстан Республикасының Палестина Мемлекетіндегі Төтенше және Өкілетті Елшісі қызметін қоса атқарушы Айдарбек Тұматов болып табылады.
Қазақстан Республикасының Иордан Хашимиттік Корольдігіндегі Елшілігі Қазақстан мен Палестина арасындағы қарым-қатынастарға жетекшілік етіп келеді.
Сапарлар[өңдеу | қайнарын өңдеу]
Қазақстан Республикасының Тұңғыш Президенті – Елбасы Нұрсұлтан Назарбаев Палестинаға екі рет ресми сапар жасады (1995-ші жылғы желтоқсан, 2000-ші жылғы сәуір айы).
Палестина Мемлекетінің Президенті, Палестинаны Азат ету ұйымының, Палестина Ұлттық Әкімшілігінің Төрағасы Ясер Арафат Қазақстанға екі рет сапар жасады (1991-ші жылғы желтоқсанда, 1999-шы жылғы сәуірде).
Ынтымақтастық[өңдеу | қайнарын өңдеу]
Екі ел арасындағы тауар айналымының көлемі 2019 жылы 4,4 мың. АҚШ долларын құрады (импорт).
Қазақстан-Палестина шарт-құқықтық базасы келесі келісімдерден тұрады: - Қазақстан Республикасының Үкiметi мен Палестина Мемлекетiнiң Үкiметi арасында экономика және өндiрiс саласындағы ынтымақтастық туралы келісім (1995 жылғы 27 желтоқсан);
- Қазақстан Республикасының Үкіметі мен Палестина Мемлекетінің Үкіметі арасындағы Палестина Мемлекетінің Қазақстан Республикасындағы Елшілігінің мұқтаждықтары үшін Астана қаласындағы офистік үй-жайды өтеусіз пайдалануға беру туралы келісім (2010 жылғы 16 қыркүйек).[1]
Қазақстан халықаралық құқыққа және БҰҰ Қауіпсіздік Кеңесі мен БҰҰ Бас Ассамблеясының қарарларына сәйкес екі мемлекет құру жолымен Палестина мәселесін шешуді, сондай-ақ 1967 жылғы соғысқа дейінгі шекараларда тәуелсіз Палестина мемлекетін құруды қолдайды, сондай-ақ арабтардың бейбіт бастамасын және 194, 242 және 338 қарарларын орындауды қолдайды.
2007 жылы Қазақстан өзінің Палестина елшілігін орналастыру үшін көп қабатты ғимаратты тегін пайдалануға берді
Дереккөздер[өңдеу | қайнарын өңдеу]
- ↑ Қазақстанның Иорданиядағы Елшілігі Eкіжақты қарым-қатынастар (қаз.). Тексерілді, 26 тамыз 2023.
