Қазақстан — Сан-Марино қатынастары

Қазақстан - Сан-Марино қатынастары

Қазақстан	Сан-Марино

Қазақстан — Сан-Марино қатынастары — Қазақстан Республикасы мен Сан-Марино арасындағы қатынастар

Дипломатия

2004 ж. 14 сәуірде дипломатиялық қарым-қатынастар орнатылды.

2019 ж. қыркүйектен бастап Сан-Мариноның Қазақстандағы Елшісі Дж.Мацца (Сан-Маринодағы резиденцияда).

2021 ж. қазаннан бастап Қазақстанның Сан-Маринодағы Елшісі Е.Сембаев (Римдегі резияденцияда).

Саяси қарым-қатынастар

ЕҚЫҰ бейресми СІМК-да Сан-Мариноның Халықаралық істер, көлік және коммуникация жөніндегі Мемлекеттік хатшысы A.Муларони (2010 ж. 16-17 шілде, Алматы), ал ЕҚЫҰ Саммитінде Сан-Мариноның Білім беру, мәдениет, университеттік және жастар саясаты жөніндегі Мемлекеттік хатшысы Р.Морри (2010 ж. 1-2 желтоқсан, Астана) өкілдік етті.

2015 ж. 14 қазанда 2017-2018 жылдарға БҰҰ Қауіпсіздік Кеңесінің тұрақты емес мүшелігіне Қазақстанның кандидатурасын ілгерілету жөніндегі ҚР Президентінің арнайы уәкілі ретінде ҚР Сыртқы істер министрінің орынбасары А.Волков Сан-Маринода болды.

2017 ж. 4-5 желтоқсанда сенім грамоталарын тапсыру рәсіміне қатысу аясында ҚР Елшісі С.Нұртаевтың СМР Капитан-Регенттері М.Фиорини және Э.Караттонимен, сондай-ақ Сыртқы істер, саясат және әділет мемлекеттік хатшысы Н.Ренцимен екіжақты кездесулері өтті.

2019 ж. 2-3 қыркүйекте Қазақстан Республикасының Президенті Қ.Тоқаевқа сенім грамоталарын тапсыру рәсіміне қатысу үшін Сан-Мариноның Қазақстан Республикасындағы жаңа Елшісі Дж.Маццаның Нұр-Сұлтан қаласына жұмыс сапары өтті. Сапар аясында Дж.Маццаның Қазақстан Республикасы Сыртқы істер министрінің орынбасары Р.Василенкомен және «Астана» халықаралық қаржы орталығының басшысы Қ.Келімбетовпен кездесулері болды.

2019 ж. 16 қарашада Елшіліктің бастамасымен Қазақстанның Елшісі С.Нұртаевтың Сан-Марино Үлкен Бас Кеңесі төрағасының орынбасары және ЕКПА-ғы Әлеуметтік саясат және денсаулық сақтау комитетінің мүшесі Р.Заволимен кездесуі ұйымдастырылды.

2021 ж. 27 мамырда сан-марино тарапының бастамасымен Қазақстанның Сан-Маринодағы Елшісі Е.Сембаев Сан-Мариноның Қазақстандағы Елшісі Дж.Маццамен кездесті.

2021 ж. 30 қыркүйек – 1 қазан аралығында сан-марино тарапының шақыруымен Қазақстанның Сан-Маринодағы Елшісі Е.Сембаев

2021 жылғы 1 қазаннан бастап 2022 жылғы 1 сәуірге дейінгі кезеңге сайланған Сан-Марино Республикасының Капитан-регенттері Ф.Муссони мен Дж.Симончинидің ресми ұлықтау рәсіміне қатысты.

Сауда-экономикалық ынтымақтастық

2014 ж. қазанда Сан-Мариноның Өнеркәсіп және сауда жөніндегі Мемлекеттік хатшысы М.Ардзилли бастаған делегация Қазақстанда болды.  

2016 ж. ақпанда «Астана ЭКСПО-2017» көрмесіне қатысу мүмкіндіктерін зерделеу мақсатында СМ Туризм Мемлекеттік хатшысы Т.Лонфернини бастаған сан-маринолық делегация Қазақстанға келді.

2017 ж. 16-19 шілдеде Сан-Мариноның Аумақ, табиғат, ауыл шаруашылығы және туризм жөніндегі мемлекеттік хатшысы А.Микелотти бастаған делегацияның Қазақстанға сапары, оның аясында ҚР Мәдениет және спорт вице-министрі А.Баталовпен кездесуі өтті. Аталған сапар Сан-Марино Ғылыми-технологиялық паркінің «ЭКСПО-2017» көрмесінде итальян ұлттық павильонының аясындағы жұмысына қатысу мақсатында жүзеге асырылды.