Қазақстан — Сингапур қатынастары
 | |
 Қазақстан |
 Сингапур |
Қазақстан — Сингапур қатынастары — Қазақстан Республикасы мен Сингапур Республикасы арасындағы ынтымақтастық
Дипломатия[өңдеу | қайнарын өңдеу]
Қазақстан Республикасы мен Сингапур Республикасы арасындағы дипломатиялық қатынастар 1993 жылы 30 наурызда орнатылды.
2003 жылы қарашада Сингапурда Қазақстан Дипломатиялық миссиясы ашылып, ол 2008 жылы 11 желтоқсанда Қазақстан Елшілігі болып қайта құрылды.
2022 жылы 21 қазанынан бастап Қазақстанның Сингапурдағы Елшісі – Асқар Сейдахметұлы Құттықадам.
2014 жылы 28 мамырдан бері резиденциясы Сингапурда орналасқан Сингапурдың Қазақстандағы Елшісі – Зулкифли бин Бахарудин.
Саяси ынтымақтастық[өңдеу | қайнарын өңдеу]
Қазақстан Президенті Н.Назарбаев Сингапур Республикасына 1996 жылы (ресми сапар) және 2003 жылы (мемлекеттік сапар) барды.
Сингапурдың Премьер-Министрі Ли Куан Ю Қазақстанға 1991 жылы қыркүйекте сапармен барды.
Саяси диалогты тереңдету үшін Қазақстан Үкімет басшыларының (2010 жылы қазан, 2015 жылы, 2018 жылы қараша) Сингапурға сапарлары, сондай-ақ Сингапурдың Премьер-Министрі, Құрметті аға министрі Го Чок Тонгтың
Қазақстанға сапары өтті (2016 жылы қыркүйек).
2016 жылы 11 шілдеде Астана қаласында бірінші Қазақстан-Сингапур арасындағы саяси консультациялар өтті және оның қарсаңында cыртқы істер министрлері деңгейінде сапарлар жасалды.
2019 жылы 1 қазанда Ереванда Жоғары Еуразиялық экономикалық кеңес алаңында Қазақстан Республикасының Президенті Қ.Тоқаев Сингапур Премьер-Министрі Ли Сянь Лунмен кездесті.
2021 жылы 11 қаңтарда Нұр-Сұлтан қ. Қазақстан мен Сингапур сыртқы саяси мекемелері арасында видеоконференц-байланыс форматында саяси консультациялар өтті.
2021 жылы 21 қыркүйекте Қазақстан Премьер-Министрінің орынбасары – Сыртқы істер министрі Мұхтар Тілеуберді БҰҰ БА 76-шы сессиясы шеңберінде СР Сыртқы істер министрі В. Балакришнанмен кездесу өткізді.
2022 жылы 14-17 тамызда Қазақстан Премьер-Министрінің орынбасары - Сыртқы істер министрі М. Тілеубердінің Сингапур республикасына ресми сапары аясында, Сингапур Республикасының Президенті Х.Якобпен, Қаржы Вице-премьері Л. Вонгпен, министр В. Балакришнанмен, Сыртқы істер сауда және өнеркәсіп, еңбек ресурстары министрі Тан Си Ленгпен келіссөздер жүргізілді.
2022 жылы 10-14 қазанда СР Премьер-Министр Кеңсесінің Министрі
М.Осман бастаған Сингапур делегациясының АӨСШК-нің 6-шы Саммитіне (Астана қ.) қатысу үшін Қазақстан-ға сапары өтті.
Сауда-экономикалық ынтымақтастық[өңдеу | қайнарын өңдеу]
2022 жылы екіжақты тауарайналым 1,9 млрд. АҚШ долл. (+65,1%), оның ішінде Қазақстан-дың СР-ға экспорты – 1,87 млрд. АҚШ долл. (+67,8%),
СР-дан Қазақстан-ға импорт – 47,1 млн. АҚШ (+0,5%) құрады.
Экспорттың негізгі тауарлары: мұнай өнімдері, қара және түрлі-түсті металдар.
Импорттың негізгі тауарлары: химиялық өнімдер, құрал жабдықтар, электроника.
Қазақстан Ұлттық статистика бюросына сәйкес, 2023 жылғы наурыздағы жағдай бойынша Қазақстан Республикасында Сингапур капиталының қатысуымен жұмыс істеп тұрған 144 заңды тұлға, филиалдар мен өкілдіктер тіркелген.
2010-2022 жжылы аралығында Сингапурдан Қазақстан-ға тікелей шетелдік инвестициялар ағыны 1 млрд. АҚШ долл. құрады.
2022 жылы 3-тоқсанында СР-дан Қазақстан-ға шетелдік инвестициялар ағыны 310,7 млн. АҚШ долл., Қазақстан Республикасынан шетелге ағыны – 11 млн. АҚШ долларын құрады.
Мәдени-гуманитарлық ынтымақтастық[өңдеу | қайнарын өңдеу]
Жыл сайын 100-ге жуық қазақстандық студенттер Сингапурдың озық жоғары оқу орындарында білім алуда.
2012 жылы бастап Назарбаев Университеті мен Ли Куан Ю мемлекеттік саясат мектебі арасында «ынтымақтастық туралы ұзақ мерзімді келісім жұмыс істейді. Мемлекеттік саясат мектебі Назарбаев Университетінің стратегиялық серіктесі мәртебесіне ие.
2016 жылы Қазақстан Президентінің жанындағы Мемлекеттік басқару академиясы мен Сингапурдың Мемлекеттік қызмет колледжі арасында өзара түсіністік туралы Меморандумға қол қойылды.
Д.Серікбаев атындағы Шығыс Қазақстан Мемлекеттік техникалық университетімен бірлесіп Қазақстанда «Management Development Institute of Singapore» (MDIS) филиалын құру, білім беру саласындағы ірі жобалардың бірі болып табылады. [1]
Дереккөздер[өңдеу | қайнарын өңдеу]
- ↑ ҚР СІМ Қазақстан Республикасы мен Сингапур Республикасы арасындағы қатынастар (қаз.). Тексерілді, 1 қыркүйек 2023.
