Кхмерлер

Уикипедия жобасынан алынған мәлімет
Мұнда ауысу: шарлау, іздеу
Khmer Traditional Dancing.jpg

Кхмерлер (өз атауы – кхмаэ) — Камбоджаның тұрғылықты халқы. Камбоджада 8,6 млн., Оңтүстік Вьетнамда 800 мың, Таиландта 500 мың кхмерлер тұрады. Жалпы саны 10,35 млн. адам (1992). Антропология жағынан кхмерлер моңғол нәсілінің оңтүстік азиялық тобына жатады. Будда дінінің оңтүстік тармағын (тхеравада) ұстанады. Кхмер (камбоджа) тілінде сөйлейді. Кхмер халқы біздің заманның бас кезінде оңтүстік Үндіқытайдағы көптеген тайпаның бірігіп, топтасуы нәтижесінде қалыптасқан. Бұл үрдіске мәдени дамуы жағынан едәуір жоғары сатыда болған көрші халықтардың, әсіресе, Үндістанның әсері тиді. Негізгі кәсіптері – егін шаруашылығы. Көбінесе күріш пен жүгері егеді. Мүйізді ірі қара ұстайды, балық аулау кәсібі кең тараған. Ауыз әдебиетінде ертегі-аңыздар көбірек. Кхмерлердің материалдық мәдениеті көршілес үндіқытай халықтарының мәдениетіне ұқсас.

Дереккөздер[өңдеу]

  • «Қазақстан» энциклопедиясы

Сілтемелер[өңдеу]