Ороктар

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Ороктар

Ороктар (өз атауы – ульта, ульча)Ресей Федерациясындағы Сахалин аралының шығысын мекендейтін шағын халық. Жалпы саны 200-дей адам (2003). Антропология жағынан үлкен моңғол пішіндес нәсілдің солтүстік азиялық тобының байкалдық түріне жатады. Алтай тілдері шоғырындағы тунгус-маньчжур тілдерінің оңтүстік тармағына жататын орок тілінде сөйлейді. Жазуы кириллицаға негізделген. Христиан дінінің православие тармағын ұстанады. Ғалымдардың көпшілігі Ороктар ульчалар мен нивхалардың араласуынан пайда болған тунгус немесе ламуттардан құралған деп есептейді. Дәстүрлі кәсіптерібұғы өсіру, балық және аң аулау. Тұрғын үйлері – чум. Ұлттық киімдері (кеудеше, байпақ, т.б.), негізінен, бұғы терісінен жасалады. Тағамдары көбінесе балықтан, еттен дайындалады. Қазіргі таңда Ороктар дәстүрлі мәдениетін, тілін жоғалта бастаған. [1]

Пайдаланған әдебиет[өңдеу]

  1. Қазақ энциклопедиясы VII-том;