Меру (халық)
| тигания, игембе, именти, миутини, иголи, мвимби, мутамби | |
| Меру | |
 | |
| Бүкіл халықтың саны | |
|---|---|
|
1,6 млн. | |
| Ең көп таралған аймақтар | |
| Тілдері | |
| Діні | |
|
дәстүрлі нанымдар |
Меру — Кенияның Меру аймағында тұратын банту тобының халқы.[1] Саны 1,6 миллионнан астам адамды құрайды. «Меру» атауы тайпаға да, оның тұратын аймағына да қатысты. Олар 7 топшаға бөлінеді: тигания, игембе, именти, миутини, иголи, мвимби, мутамби.[2]
Тілі[өңдеу | қайнарын өңдеу]
Кикуйю тілінің диалектісінде сөйлейді.[3]
Діні[өңдеу | қайнарын өңдеу]
Меру дәстүрлі нанымдарды ұстанады, протестанттар мен католиктер де бар.
Кәсібі[өңдеу | қайнарын өңдеу]
Дәстүрлі кәсіптері қолмен атқарылатын егіншілік (тары, жүгері, бұршақ дақылдары), мал шаруашылығы (ұсақ мал, ірі қара мал негізінен беделді құндылыққа ие). Қолөнерден - керамика (әйелдер кәсібі), темір балқыту және соғу (қару және зергерлік бұйымдар), өсімдік талшықтарын тоқу, тері өңдеу, ағаш ою дамыған.[4]
Өмір салты[өңдеу | қайнарын өңдеу]
Дәстүрлі қоғамдық ұйым бес жастық тап пен рулық тайпалық бөлініс жүйесіне негізделген. Ру топтары үш категорияға біріктірілді - «қызыл», «ақ», «қара». Бір жас класынан екіншісіне ауысу (инициация рәсімдерімен бірге) 10-15 жылдан кейін жүзеге асырылды. Полигинияға рұқсат етілген.
Дәстүрлі қоныстары шашыраңқы орналасқан. Тұрғын үйлері дөңгелек, қабырғалары шыбықтармен өрілген сырықтардан жасалған, қаңқасы балшықпен сыланған.
Дәстүрлі киім – үй жануарларының терісінен немесе өсімдік талшықтарынан жасалған тері жамылғы мен алжапқыш.
Дәстүрлі тағам негізінен көкөністер (көкөніс дәмдеуіштері бар ботқа), аз дәрежеде - сүт өнімдері, етті сирек және көбінесе ер адамдар жейді.
Халық ауыз әдебиеті: мифтер (негізінен этногенетикалық), жануарлар ертегілері, мақал-мәтелдер; ғұрыптық әндер мен билер дамыған.[5]
Дереккөздер[өңдеу | қайнарын өңдеу]
- ↑ Народ Меру https://alphapedia.ru/w/Meru_people
- ↑ Племя Меру https://kenya-info.me/narody/meru
- ↑ Меру https://dic.academic.ru/dic.nsf/ruwiki/1561709
- ↑ Меру https://mavashimisha.ru/stati/27032-meru-narod.html
- ↑ народы мира / Меру http://www.etnolog.ru/people.php?id=MERU
