Бамбаралар
Бамбаралар (өз атауы — бамана) — Мали мемлекетінің халқы. Гамбия, Гвинея, Нигер және Сенегалда да тұрады. Жалпы саны – 3,4 мың адам (1995). Зәңгі нәсіліне жатады. Жазуы — латын әліпбиіне негізделген. Діні — мұсылман-сүннит. Ата-баба рухына сиыну, сиқыршылыққа сену ғұрпы сақталған. Тары, күріш, жүгері, көкөніс пен жеміс-жидек өсірумен айналысады. Ұсталық, зергерлік, қыш пен балшықтан бұйымдар жасау, жүн иіру мен тоқымашылық кәсібі жақсы дамыған. Ұлттық киімдері: келте балақты шалбар (куруси), жеңсіз жейде (глоки), қалпақ (бадама). Ұлттық тағамдары негізінен ет пен сүттен тұрады, ішімдікке сыра мен пальма шарабы кең қолданылады. Б. әр түрлі касталарға бөлінеді. Жоғарғы касталары — егіншілер, жауынгерлер, тоқымашылар; ортаңғы кастаға — темір ұсталары; төменгі кастаға — ел аралап жүріп ән салып, би билеп өнер көрсететіндер (гриоти) жатады. Елді мекендер “дугу” деп аталатын қауымдастықтарға біріккен, оларды ақсақалдар басқарады. [1]
Дереккөздер[өңдеу]
- Арсеньев В.Р., Бамбара. Советская этнография, 1978, ғ3;
- Пути развития Африки, М., 1981.
 |
Бұл мақаланы Уикипедия сапа талаптарына лайықты болуы үшін уикилендіру қажет. |
 |
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
