Нанумба

Уикипедия — ашық энциклопедиясынан алынған мәлімет
Навигацияға өту Іздеуге өту
Нанумба
нануне
Бүкіл халықтың саны

78 812

Ең көп таралған аймақтар

 Гана

Тілдері

нанумле (нанумли) тілі

Діні

дәстүрлі нанымдар, суннизм

Нанумба (өз атауы: нануне)[1]Гананың солтүстік аймағының оңтүстік-шығысында орналасқан этникалық топ. 2000 жылы Ганадағы Нанумба тұрғындары 78 812 адамды құрады.[2]

Олар дагбани (дагомба) диалектісі болып саналатын нигер-кордофан отбасының гур тобына жататын нанумле (нанумли) тілінде сөйлейді.

Нанумбалардың көпшілігі дәстүрлі нанымдарды ұстанады, кейбірі сүнниттік мұсылмандар, христиандар (католиктер мен протестанттар) бар.

Негізгі кәсіптері тропикалық қолмен атқарылатын егіншілік (ямс, жүгері, тары, құмай, күріш, жержаңғақ, бұршақ, көкөністер) және мал шаруашылығы (ірі қара және ұсақ мал). Олар аңшылық, балық аулау және терушілікпен де айналысады. Қолөнерден ұсталық, қыш өнері, тоқымашылық, ағаш ою өнері дамыған.[3]

Өмір салты

[өңдеу | қайнарын өңдеу]

Дәстүрлі әлеуметтік ұйымның негізін ауыл және көп отбасылық қауымдастықтар, патрилиндік рулар және әскери ұйымның бөлімшелері құрады. Неке қонысы вирилокалды, полигиния және сатып алынған неке қолданылады, сүндеттелудің дәстүрлі рәсімі сақталған.

Елді мекендері жинақы орналасқан, төбесі сабанмен жабылып конустық болып келген дөңгелек саман үйлерде тұрады.

Ерлердің дәстүрлі киімі – қысқа жеңді ұзын жолақты жейделер, әйелдер киімі – белдемше тәрізді белдік киімдер.

Негізгі тағамы - сүт және өсімдік тектес тағамдар (жарма, бұқтырылған, қайнатылған, қуырылған және пісірілген бұршақтар мен түйнектер).

Фольклордың негізгі жанрларының ішінде ертегілер, мақал-мәтелдер мен әндер жиі кездеседі.[4]

Дереккөздер

[өңдеу | қайнарын өңдеу]
  1. Значение слова нанумба https://xn--b1algemdcsb.xn--p1ai/wd/%D0%BD%D0%B0%D0%BD%D1%83%D0%BC%D0%B1%D0%B0
  2. Нанумба https://hmong.ru/wiki/Nanumba_people
  3. Народы и культуры Нанумба https://travel-journal.ru/ethno/41/1067/
  4. народы мира / Нанумба http://www.etnolog.ru/people.php?id=NANU