Нилоттар

Уикипедия — ашық энциклопедиясынан алынған мәлімет
Мұнда ауысу: шарлау, іздеу

НилоттарШығыс Африкадағы этникалық топ. Шығыс Судандағы Бахр-әл-Джебел мен Сабат өзендерінің жағалауларын, Угандадағы Виктория мен Рудольф (Туркана) көлдерінің арасындағы аумақты, Кения, Танзанияны, Заир, Эфиопия мен Египет Араб Республикасымен шекаралас аймақтарды мекендейді. Жалпы саны 19 млн-нан астам. НілСахара тіл шоғырының Шари – Ніл тобындағы нилот тілінде сөйлейді. Нилоттардың басым көпшілігі жергілікті діни сенімдерді ұстанады, қалған бөлігі – мұсылман-сүнниттер мен христиандар. Нилоттар негізгі үш топқа бөлінеді: 1) солтүстік және оңтүстік луолар, динкалар мен нуэрлар; 2) барилер, масаилар, тесо, каромоджонг, туркана, лотуколар; 3) нанди, татог, покоттар, т.б. Дәстүрлі кәсіптері – мал өсіру (ірі қара), егіншілік, балық аулау мен аңшылық. Ру-тайпалық қатынастар да сақталған.