Босниялықтар

Босниялық үй

Босниялықтар, немесе бошнақтар (өзд. атауы — мұсылмандар) — Босния және Герцеговинаның негізгі халқы.Югославия, Хорватия, Түркия, АҚШ, т.б. елдерде де тұрады. Жалпы саны 1800 мың (1992). Серб, хорват тілдерінде сөйлейді. Жазуы латын графикасына негізделген. Б-дың ата тектері — осы өңірге 6 — 7 ғ-ларда келіп қоныстанған славян тайпалары. Босниялықтардың мәдениетіне Осман сұлтандығының (15 — 19 ғ-лар) ықпалы көп із қалдырған. 16 — 17 ғ-ларда ислам дінін қабылдады. Дәстүрлі кәсібі — егіншілік (астық, т.б.), бау-бақша өсіру және жүзім шаруашылық. Таулы аймақтарында тұратындар мал шаруашылығымен де айналысады. Сондай-ақ, тігін өнері, металл, ағаш, тері өңдеп, оған әр түрлі өрнектер салу ісі жақсы дамыған. Дәстүрлі тұрғын үйлері ағаштан, тастан салынады. Босниялықтар әдебиеті халықтық үлгілерге бай. Әсіресе, батырлық жырлары мол сақталған.