Поляктар

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Поляктар
Польша басқа да славян мемлекеттерімен шекаралас

Поляктар[1] (пол. Polacy "поляци") — славянды ұлт, Польшаның байырғы және негізгі халқы. ТМД елдерінде, АҚШ, Франция, Канада, Бельгия, Бразилия, Аргентина, т.б. мемлекеттерде де тұрады. Жалпы саны 45 млн. адам (2003). Славян тілдерінің батыс тармағына жататын поляк тілінде сөйлейді. Жазуы латын әліпбиіне негізделген. Христиан дінінің католик тармағын ұстанады. Поляктардың этникалық негізін ерте орта ғасырлардағы полян, слезан, вислян, мазовшан, поморян секілді славян тайпалары қалаған. Ұлт ретінде 10 — 11 ғ-ларда Поляк мемлекеті құрылғаннан кейін қалыптаса бастады. Негізгі өзегін батыс славян тайпалары құрады. Поляктардың басым бөлігі қалалық жерлерде орналасқан. Олар түрлі салалық өндірістер мен халыққа қызмет көрсету орындарында жұмыс істейді. Табиғи ерекшеліктері мен тарихи тағдырлары әрбір өңірде өзіндік дәстүрлі шаруашылық пен мәдениеттің қалыптасуына әсерін тигізген. Малопольша мен Силезия секілді таулы аймақтарда мал шаруашылығы, Поморьенің батысы мен шығысында теңіз кәсіпшілігі ертеден дамыған. Ұлттық киімдері: әйелдер юбка, көйлек, сыртынан алтын және күміс зермен тоқылған корсаж; ерлер жағалы көйлек, жолақты шалбар, көк кафтан, ал басына конфедератка киеді. Халық арасында қолөнердің сан алуан түрлері (тоқымашылық, тігіншілік, құмырашылық, ағаш ою, т.б.), бай ауыз әдебиеті (тұрмыстық өлеңдер, аңыз-әңгімелер, ертегі, т.б.) сақталған.

Дереккөздер[өңдеу]

  • Қазақ энциклопедиясы
  1. Қазақстан энциклопедиясы, VII-том