Малаялилер

Малаялилер — Үндістандағы халық, Керала штатының байырғы тұрғындары. Жалпы саны 30 млн. шамасында. Оңтүстік үндістандық немесе дравид нәсіліне жатады. Малаялам тілінде сөйлейді. Жазуы брахми негізінде 9 ғасырдың соңында пайда болған. Әдеби тілі 16 ғасырда қалыптасты. Малаялилердің көпшілігі индуизмді, едәуір бөлігі христиан, шағын бөлігі ислам дінін ұстанады. Дәстүрлі кәсіптері — егіншілік (күріш, маниок, бұршақ тұқымдастар, шай, кофе), бау-бақша (банан, манго, т.б.), каучук ағаштарын өсіру. Мал шаруашылығы (сиыр, ұсақ мал) мен үй құстарын өсіру, балық аулау да жақсы дамыған.