Чувандар

Уикипедия — ашық энциклопедиясынан алынған мәлімет
Jump to navigation Jump to search

Чувандар (өзд. атауы - этэл), шелаги - Қиыр Шығыстағы аз санды ұлт. Ресейдің Чукотка аймағында тұрады, Анадырь өзені алабында тіршілік етеді.

Жалпы саны 1,7 мың адам (2004). Антропологиялық жағынан моңғолдық нәсілге жатады. Палеоазияттық юкагир-чуван тілінде сөйлейді. Дәстүрлі діни сенімдері сақталған.

Чувандардың этникалық тарихы өте күрделі мәселелердің бірі. Көпшілік ғалымдар Чувандар чукчалармен туыстас деп есептейді.

Дәстүрлі кәсібі - балықшылық, марал өсіру және терісі бағалы аңдарды аулау. Баспаналары - чум. Ұлттық киімдері аң терісінен тігіледі. Тағамдары шаруашылық қарекеттерге сай - балықтан және мал етінен жасалынады. Ауыз әдебиеті сақталған. Қазіргі таңда Чувандар ассимиляцияға ұшырап, ұлттық болмысын жоғалта бастаған[1].

Дереккөздер[өңдеу]

  1. Қазақстан ұлттық энциклопедия. 9 том. Алматы, 2007.