Катарлықтар

Уикипедия — ашық энциклопедиясынан алынған мәлімет
Навигацияға өту Іздеуге өту
Катарлықтар
Бүкіл халықтың саны

288,7 мың адам (2008)

Ең көп таралған аймақтар

 Катар

Тілдері

араб тілі

Діні

ислам, уаһһабизм

Катарлықтар — Катар арабтары, Катардың байырғы халқы. Тұрғылықты халық саны шамамен 288,7 мың адам (2008).[1] Азаматтарының 40% -ы ғана арабтар. Бұл елде Үндістаннан (18%) және Пәкістаннан (18%) көптеген иммигранттар тұрады.[2]

Тілі[өңдеу | қайнарын өңдеу]

Ресми тілі - араб тілі.[3] Ағылшын тілінде де сөйлейді.

Діні[өңдеу | қайнарын өңдеу]

Мемлекеттік діні – ислам. Ел исламның уаһһабистік бағытын қабылдады. Мұсылмандар шамамен 78% құрайды, оның 71% - сунниттер, 7% - шииттер. Мұндағы христиандар 9%, қалғандары басқа дін өкілдері.[4]

Кәсібі[өңдеу | қайнарын өңдеу]

Соңғы уақытқа дейін катарлықтардың дәстүрлі кәсібі: шалғайдағы мал шаруашылығы, егіншілік, құрма шаруашылығы, балық аулау, теңізден інжу-маржандарды алу болды. Халық қолөнерінің ішінде зергерлік, тоқымашылық дамыды.

Мұнай өнеркәсібінің дамуымен елдегі жағдай күрт өзгерді. Қазір Мұнай өндірумен қатар химия және металлургия өнеркәсібі дамыған. Олар елге табыстың 75 пайызын береді. Бұл салада жұмыс істемейтін халық қызмет көрсету саласында жұмыс істейді (ЖІӨ кірісінің 25%).[5]

Өмір салты[өңдеу | қайнарын өңдеу]

Катар халқының дәстүрлі мәдениеті көршілес арабтардың мәдениетіне ұқсас. Катар мәдениеті музыка, өнер, аспаздық болып табылады. Дегенмен, оның қалыптасуы күрделі және ұзақ жолмен дамыды. Мінез-құлық ережелері қатаң. Катардың дәстүрлері мен әдет-ғұрыптары дінмен тікелей байланысты. Тамақтануда негізгі дәстүр – халал заңдарын сақтау.[6]

Ерлер, елдің батысында ақ, шығысында сарғыш, жағалауда тұратындар тік жағасы бар қошқыл түсті ұзын жеңді жейде - дишдаши киеді. Әйелдер солтүстікте - ашық, оңтүстікте - қара кәдімгі арабша кесілген көйлектер киеді. Оңтүстікте және шығыста әйелдер беттерін қара жамылғымен жабады - даффе немесе қара маска - батул.[7]

Дереккөздер[өңдеу | қайнарын өңдеу]

  1. Большая российская энциклопедия https://bigenc.ru/ethnology/text/2052229
  2. Катар туралы қызықты фактілер https://kk.kuzminykh.org/2648-interesting-facts-about-qatar.html
  3. Современная энциклопедия КАТАРЦЫ https://rus-modern-enc.slovaronline.com/4937-%D0%9A%D0%90%D0%A2%D0%90%D0%A0%D0%A6%D0%AB
  4. Культура Катара
  5. Жанна Галактионова Катарцы — самый богатый народ мира https://travelask.ru/articles/katartsy-samyy-bogatyy-narod-mira
  6. Традиции и обычаи Катара https://world-card.ru/traditsii-narodov/1242-interesnoe/traditsii-i-obychai-narodov-kuby/4138-obychai-i-traditsii-katara
  7. народы мира / Катарцы http://www.etnolog.ru/people.php?id=KATR