Друкпа

бхотия
Друкпа
Бүкіл халықтың саны
360 000
Ең көп таралған аймақтар
Бутан
Тілдері
дзонг-кэ
Діні
анимизм

Друкпа, бхотия — Бутандағы Гималай жоталарын мекендейтін туысқан халықтар тобы. Олар үш топқа бөлінеді: галлон (батыс), бумтампа (орталық) және чангла (шығыс). Халық саны 360 мың адам.

Тілі

Олар қытай-тибет отбасының орталық тобының бірнеше жақын тілдерінде сөйлейді.

Діні

Көпшілігі ресми Бутан дінін ұстанады, діни азшылықтардың (мұсылмандар, индуистар) саны аз. Ресми дінмен қатар кейбір анимистік идеялар сақталған, мысалы, тау рухтарына табыну.

Кәсібі

Дәстүрлі кәсібі — қолмен атқарылатын егіншілік (бидай , арпа, тары, қарақұмық, картоп, шалғам) және биік таулы жерлерде мал шаруашылығы (қодастар, цзо — қодастардың сиырлармен қоспасы, қойлар, ешкілер). Негізгі ауылшаруашылық жұмыстарын әйелдер атқарады. Тұз, жүн, астықпен керуен саудасы дамыған.

Өмір салты

Тайпалық бөліну сақталған. Неке негізінен патрилокальды, полиандрия жиі кездеседі. Отбасы шағын.

Друкпалар аңғарларында тегіс шатыры мен ауласы бар тастан жасалған көп отбасылық үйлерде тұрады. Беткейлердегі ғимараттар бір-бірінің үстінде, ал төменгі үйлердің төбелері жоғарғы жағы үшін аула ретінде қызмет етеді. Малшыларда жүннен жасалған қара тұсті лашықтар жиі кездеседі.

Негізгі тағамы – цзамба (қуырылған арпа дәнінен, қайнаған суға немесе сүтке қайнатылған ұн), сүт өнімдері, ет, көкөністер. Сүт пен тұз, жұмыртқа, сары май қосылған шай, чан (арпадан жасалған сыра) ішеді.