Неварлар

Уикипедия — ашық энциклопедиясынан алынған мәлімет
Навигацияға өту Іздеуге өту

Неварлар – Непалдағы халық. Катманду жазығы мен оңтүстік, оңтүстік-шығыстағы қалаларды мекендейді, шағын топтары Үндістанда тұрады. Жалпы саны 780 мыңдай (Непалда 760 мың) Неварлардың бір бөлігі кираттардың құрамына кіреді. Оңүстік-азиялық ауыспалы нәсілге, бір бөлігі оңтүстік еуропоидтерге жатады. Сино-тибет тіл шоғырының орталығы тобындағы невари тілінде сөйлейді. Непали тілі де тараған. Жазуы деванагари негізінде. Неварлар индуизм, будда діндерін, дәстүрлі діни сенімдерді қатар ұстанады. Негізгі дәстүрлі кәсіптері – суармалы егіншілік (күріш, бидай, қара бидай, жүгері, картоп, бұршақ тұқымдастар, көкөніс, жеміс-жидек). Мал шаруашылығымен (сиырлардың зебу тәріздес тұқымдары, буйволдар, ешкілер), тауық өсірумен де айналысады. Қолөнерден тоқымашылық, ағаш жону, ағаш ұсталығы, металл өңдеу, қыш құмыралар, зергерлік бұйымдар мен шағын мүсіндер жасау дамыған. Ер адамдардың киімдері непалдықтардың киімдеріне ұқсас. Әйелдер юбка (гунью), жиектері өрнектелген, денені орайтын мата, ұзын жеңді, жағалы кофта, т.б. киеді. Шаштарына ленталар қосып, бір бұрым етіп өріп, әшекейлер тағады. Құлақтарына жуан дөңгелек сырғалар мен қолдарына білезіктер тағады. Негізгі тағамдары – күріш, қара бидай мен жүгері ұнынан пісірілген нан, әр түрлі көкөніс, сүт тағамдары. [1]

Әдебиеттер[өңдеу | қайнарын өңдеу]

Әдебиеттер: Иванов Б.А., Особенности социальной структуры неваров долины Катманду, в кн.: Страны Южной Азии, история и современность, М., 1976; Габорио М., Непал и его жители, М., 1985.[1]

Сілтемелер[өңдеу | қайнарын өңдеу]

Дереккөздер[өңдеу | қайнарын өңдеу]

  1. a b Қазақ энциклопедиясы, 7 том